أخاف ابكي من عيوني وأبعثر جيت وصالك

من طرف احساس القمر الثلاثاء يوليو 21, 2009 5:41 pm

تجيني طيف يا عمري على جنحان شوقي لك
أخاف ارمش من عيوني وأبعثر جيت وصالك

حبيبي لا تجيني قول وين أنت وأنا أجيلك
أبيك تقول وين انت وعلى عيوني انا أسعى لك

وربي فوق روس الشوك لخلي القلب يمشي لك
وخلي ظلالي يسبقني .. قبل يحضني بنزالك

ثواني بس أبتهندم .. من عيونك وبهديلك
في عينك ضحكة حتى تكحل عين عذالك

يقول الناس في غيابي تشب القلب ويضوي لك
حنيني من وهج شوقه .. يميل القلب لآمالك

قضى دمعي من عيوني أبي من عينك ابكيلك
ابنثر من ورى عيوني دموع عيون ترحالك

تعبت اهرب من الأشياء البسيطه من تفاصيلك
تعبت اسأل زوايا البيت عن أول وآخر أحوالك

وحتى الشوق من صبح الدرايش قام يهديلك
عصافير الرضا ترفرف على بيبان مدخالك

هنا ترمي صباح الخير قبل لا تروح وادعي لك
وهنا تضوي مساء الخير في عيني من هذالك

أنا من الليل يقطفني شعوري لك واغني لك
أنا من الصبح يليني الحزن من لون موالك

حرام الليل ماهو لليل إذا ماكنت في ليلك
وحرام الصبح ماهو صبح اذا ماكنت في ظلالك

تروح وقلت احط روحي على كفي واناديلك
نزعت العمر من شفت الغلا بالروح نادالك

بربك .. قول وش سوى الفراق بوجه منديلك
تسيل ألوان طيفي فيه الى من البكا سالك

حبيبي لايبكيك الفراق ولايهد حيلك
اخاف الدمع من عينك يجفف صورتي ببالك

تعال احتاج اسولف لك عن الأيام واشكيلك
وأفض غيم الحزن وانثر حنين الشوق بقبالك

تعال وحط في قلبي هموم الفرقا وآشيلك
لان القلب ماهو قلب إذا في نبضه ماشالك

وقف دمعي من عيوني أبي من عينك ابكيلك
أخاف ابكي من عيوني وأبعثر جيت وصالك

اتمنى تنول اعجابكم