رسائل شعريه

من طرف **اسير الايام** الجمعة مايو 01, 2009 5:17 pm

السلام عليكم ورحمة الله وبركاته

لا ضاق صدري قلت وين الرسايـل
صار المسج علاج صدري اليا ضاق
غير الرسايل ما في يدينـا وسايـل
عله يخف الشوق في قلب مشتـاق
جيش الوله فينـي سـوا الهوايـل
أصبر واشوف الصبر ماعاد ينطاق

ياعين لا تبكيـن خلـن فقدتيـه
تصبري وارجي مـن الله يجيبـه
مدام هو حي مع النـاس شفتيـه
لو طالت الغيبهـلزوم التقـي بـه
قلبي من الفرقى تزايـد بلاويـه
وعهد على ما انسى غرامه وطيبه

لو الصحاري تنقل الشوق عنـا
أرسلت لك مع كل جربوع بوسه

ياخوي وينك صرت ماعاد تنشاف
زعلان والا كـل هـذي قطاعـة
في غيبتك قلنا عسى مابه خلاف
حتى بصوتك باخلن في سماعـه
وين العداله في المحبة والانصاف
يومك تغيب ايام وتطـل ساعـة

الغايب اللي غيابه زاد عن حده
ليته درى عن غيابه وين وداني
غاب وتركني وحيد وخافقي هده
يكتبني الحزن عقبه ثم يقرانـي
وكان الغلا والوفا والحب ماسده
معذور والله لامـر وتعدااانـي

الطيب وش يقربلك الله يعافيـك
لاجا مجال الطيب جابوا مجالـك
ان كان ماهو واحدن من بنيخيك
الظاهر انه واحدن من خوالـك

إفهم ترى ماني مثل طبع غيـري
أصبر ولو هجرك طوى مهجتي طي
أنا كفيت النـاس شـري وخيـري
أموت جنبك ما طلبتـك ولا شـي
أشوف وأسكت ويحكمني ضميـري
و أرفض أكون الغايب الميت الحي

لو الرسالة تروي القلب بوصال
والله لأرسل لين يفنى رصيـدي
لكن غلاك بقلبي أكثر من ارسال
حب البشر ينقص وحبك يزيدي
حب البشر كله ركنته على جال
وحبك سرى بالدم واسأل وريدي

كان قصد ك عذابي ؟ لا توصي حريص
الزمن مايقصـر وإنـت فيـك بركـة

ما عاد تفرق لو خذاك الوقت او جابك
في الحالتين الموت اقرب لي من ظلالي
اما باموت من الوله لاطـول غيابـك
والا باموت من الفرح لاشفتك قبالـي

سلام يهدالك مثل كهـرب المـاص
يجذبك مـن بـد المخاليـق ماصـه
سري ومرسلك على رمزك الخـاص
شرواك أكبـر همتـه واختصاصـه
سلام حده حد من سيـف قصـاص
وأسطى من الرشاش ضربة رصاصه

ياذرا الملتاع من لفح السموم
ياطويل الباع ياطيـر الهـدد
أذكرك لاضاق صدري بالهموم
وأذكرك لاطار نومي وابتعـد
جعل تفداك السلاتيح الرخـوم
والبخيل اللي حياته فـي كبـد
بالكفو نفخر وتفخر كل قـوم
وأنت من ينصاك يبشر بالسعد

خل الرسايـل بيننـا تنقـل الـود
لاصرت عن شوفك بعيد الخطاوي
وخل الهواتف بيننا تحمـل الـرد
لا صرت في بر بعيـد وخـلاوي
الهجر والتصريف والثالث الصـد
لاتصير في بالك وانا فيك هااااااوي

صورتك في فكري بسبـع شاشـات
وافضل برامـج سهرتـي ذكرياتـك
لو شوشت عالبـث كـل المحطـات
يلقـط رسيفـر خاطـري ذبذباتـك
جرب على ريموت الاحساس ضغطات
تلقـاة مــا يخـتـار الا قنـاتـك

اشتاق لك شوقن له الشوق يشتاق
شوقن يشوق شايق الشوق شوقه

اترك حلاتك ياحبيبي على جنـب
غير الحلا تعجبني بـزود طيبـك
كلك على بعضك تجنن وتنحـب
حظي كبير اللي جعلنـي حبيبـك
ما أقول غير الله يخليـك يـارب
ويعمي عيون اللي حسدها يصيبك

ان قلت اعزك ما كفيت وان قلت احبك ما وفيت
انته بقلبـي باختصـارشي ان فقدته انتهيـت